KËTU

Çdo kontratë dhe nënkontratë detyron pagimin e çdo punonjësi jo më pak se X. Zinxhiri i nënkontraktimit kufizohet në dy nivele.

Paga X përfshihet në çmimin e çdo nukleu dhe nuk konkurrohet. Kontraktorët konkurrojnë për cilësi e afat, jo për paga të ulëta. Pagën e lartë e mban investitori, jo biznesi i vogël.

Fatura mujore paguhet vetëm kundrejt listëpagesës së deklaruar dhe provës bankare të pagës për çdo punonjës.

Auditues i pavarur, kontrolle të rastësishme dhe linjë konfidenciale ankimi për punonjësit.

Çdo nënpagesë, edhe pagesa në dorë apo kalimi i punonjësit si i vetëpunësuar, është shkelje thelbësore: shkëputje e kontratës, përjashtim nga nuklet e ardhshme dhe pagim i diferencës punonjësit.

• Druri, tullat, guri e materiale të ngjashme merren me përparësi nga prodhuesit e zonës, kur plotësojnë kërkesat teknike.
• Burime të ligjshme e të qëndrueshme, me respekt për mjedisin; materialet lokale në arkitekturë e mobilim.
• E njëjta qasje për ushqimet, verën, vajin e ullirit, mobiliet, tekstilet, artizanatin dhe shërbimet, në gjithë Shqipërinë kur zona nuk mjafton.
• Origjina deklarohet, që prodhimi real vendas të dallohet.

• Aplikojnë mikro, të vogla e të mesme, fermerë të formalizuar, përpunues, prodhues dhe ofrues shërbimesh.
• Bizneset e vogla mund të bashkohen për sasitë, transportin dhe afatet.
• Portal i dedikuar me katalogun e nevojave: çfarë, kur, sa dhe me cilat standarde.
• Regjistrim falas; mungesa e një certifikate në fillim nuk përjashton automatikisht.

• Vlerësim teknik dhe plan i shkurtër përmirësimi për bizneset me potencial.
• Trajnim për cilësinë, sigurinë ushqimore, paketimin, gjurmueshmërinë, planifikimin, kostot dhe dorëzimin.
• Ekspertët e investitorit shpjegojnë standardet; specialistët sektorialë ndihmojnë zbatimin.
• Testim dhe certifikim sipas produktit e rrezikut, verifikuar nga laboratorë të pavarur.

• Fond i posaçëm për vlerësimin, trajnimin, mentorimin dhe pjesë të kostove të certifikimit.
• Bashkëfinancim për pajisje e paketim, ose fond i dedikuar nga buxheti i shtetit.
• Paradhënie dhe pagesa të shpejta për porositë e konfirmuara; mostrat dhe porositë pilot paguhen.
• Buxheti dhe kufijtë publikohen para aplikimit; asnjë shpenzim nuk financohet dy herë.

• Marrëveshje blerjeje e kushtëzuar: produkti, standardet, sasia minimale, çmimi, afati dhe pagesa.
• Kur kushtet plotësohen, blerësi detyrohet të porosisë minimumin e kontraktuar.
• Nëse projekti shtyhet pa faj të furnitorit: kompensim për investimin e dedikuar.
• Firmoset nga kush blen realisht, hotelet ose kontraktorët.

• Porosi në lote të përballueshme për NVM-të, me kalendar blerjesh.
• Furnizim në grup për fermerët e vegjël: grumbullim, magazinim e transport i përbashkët.
• Raportim periodik i blerjeve nga zona, nga NVM-të dhe nga prodhuesit vendas.
• Modeli përfshihet edhe në marrëveshjet për investime të tjera të mëdha.